Hmeichhe bulah i nervous \hin em?

|ha i lo tih ve deuh hmeichhia nen in inbiak inawm, in inhmuh emawin i lai riau thin em? A mita en ngam loh te, tang deuh teuha awm te, a zat vak loh pawha nuih luih te, ka chhung ro hulh te, chil han lem deuh khawlh te, chet fuh hleih theih loh te hi i nervous tih chhinchhiahna a ni.
Hmeichhia chu i bulah hahdam tak awm thei turin i siam tur a ni a, mahse, nangmah zawk i nervous tlat chuan i bula hmeichhe hahdam tir chu a buaithlak ngawt ang. Chuvangin hmeichhe bula nervous tihreh dan tur ni a relationship lama mithiam te sawi kan rawn tarlang e.
1.A mitah en rawh. Hlauh tur a awm lo. Mipain hmeichhe mitah a en ngam loh a, mit la sawn hmasa zawka a tan chuan, hmeichhiain nuam a ti lovang. A nih leh i thlir vung vung dawn em ni? Chutiang chu a ni leh si lo. In mit a intawng a nih chuan second 3-5 vel tal mit laksawn loh tur.
2. Nui sak rawh. Han nuihsak te hian thu tam tak a sawi thei a nia. Hmeichhia chu i ngaina tih lantirna te pawh a ni thei a, a lakah i ‘friendly’ tih lantirna pawh a ni thei. Chu chu hmeichhiain a hrethiam a nia.
3. Thil ti phut phut suh. Nervous-na tihreh dan tha deuh chu, i ngaihtuahna vir vel vut vut kha ti tawp la, che phut phut lo la, muang raihin che ang che.
4. Hmeichhe bula awm laia tih tur leh tih loh tur te ziak chhuak la, chu chu vawng rawh. Chu chuan a ti confi sawt ang che.
5. Sawi tur ngaihtuah rawh. In pahniha in sawi dun theih tur ngaihtuah rawh. Chu chuan bouak a siamtha ang a, tui takin in titi thei ang.
6. I taksa chetzia kha uluk hle rawh. Kun deuh ngur te khan awm suh. I aw ki pangngai thei ang ber hmang ber hmang ang che.