Nau titla ten rilru lamah harsatna an tawk duh!

Mithiam ten zirchianna an neih hnuah, hmeichhia an naupai lai titla te chuan a titla ve lo te aiin rilru lama harsatna (mental health problems) an neih theihna risk 81% zetin a sang zawk niin an sawi.
American academic Priscilla Coleman zirchianna hi project hrang hrang 22 behchhan a nei a ni a, hmeichhe 8,77,000 ah zirchianna hi neih niin, chung zinga 1,63,831 te chu nau titla tawh te an ni.
Coleman chuan, “Result atanga a lan dan chuan nau tihtlak hian direct leh indirect-in rilru lamah nghawng a nei thei a. Hmeichhia nau titla tawh te chuan rilru lama harsatna neih theihna risk hi 81% in an nei sang zawk a, chubakah hmeichhe rilru lama harsatna nei 10% zet chu nau tihtlak vanga thleng (direct effect) a ni,” a ti.
Zirchianna neitu te chuan nau tihtlak hian anxiety disorder neih theihna risk 34% in a tisang niin an sawi a, chubakah depression neih theihna risk pawh 37% a sang niin an sawi bawk. Hei bakah hian hmeichhe nau ti tla tawh te chuan a titla ve lo te aiin alcohol abuse theihna risk 110% zetin an nei sang zawk a, tip zuk chin theih risk phei chu 220% in a sang zawk a, hei bakah hian mahni intihhlum duhna rilru put theihna risk pawh 155% in a sang zawk niin an sawi.
He zirchianna chungchang hi British Journal of Psychiatry-ah tarlan a ni.