HSS zirlai tan Poetry Festival

SCERT-in kum 2011 atanga kumtina an hman thin Poetry Festival chu December 11 & 12 khan hman a ni. Thawhlehni khan zirlai tithate hnenah lawmman sem a ni a, School Education joint secretary R Lalbiakzuala’n a hmanpui.
Festival-ah hian higher secondary school zirlaite tan a huhoa poetry inziahsiak buatsaih thin a ni a. Hei hi zirlaiten thu leh hla lama tuina an neih theihna tur leh an talent pho chhuahsakna atana buatsaih a ni. Intihsiakah hian pakhatna atanga pathumna siam thin niin, trophy, certificate leh sumfai pek an ni.
Kuminah hian 1-na Hunropuii, St. Joseph HSS, 2-na K Vanlalrohluna, Dawrpui School of Science and Technology, 3-na Lalchawimawia, St. Joseph HSS an ni.
He festival-ah hian ‘Proficiency in English Award’ sem thin a ni a. Hetah hian HSLC leh HSSLC-a English subject-a tithate hnenah chawimawina pek thin a ni. Kum 2011-a bul an tan atangin kumin ami nen mi 33 hnena an hlante nen, he chawimawina hi zirlai 369 hnenah pek a ni tawh.