Opposition MP 15 session chhung chawlh tir

India mipuite chuan hlauhawm an hmachhawn mek tiin writer-activist Arundhati Roy chuan a sawi.
Marxist idealogue P. Govinda Pillai hriat reng nana PG Samskrithi Kendram tena P. Govinda Pillai memorial national award an siam a dawnnaah Roy chuan thusawina a nei a.
Political annihilation a thlen loh nana tangruala thawhho a ngai tia sawiin kum 2026 a delimitation exercise neih tum hmangin South India pum atanga Parliament MP awm thei zat chu nasa taka tihhniamin a awm ang, a ti bawk.
“Delimitation hi mipui tena hlauhawm an hmachhawn awm chhun a ni lo. Federalism, kan ram diverse lutuka a hnukpui pawh dinhmun derthawngin a awm mek a ni. Opposition rorelna state Chief Minister te chuan an share dawng tur pawhin Centre a ngena an ngen ngawih ngawih a ngai tawh a. India federalism tana pawi hnai ber chu Supreme Court in Article 370, Jammu and Kashmir hnena special status pekna nuaibo a dinchantir kha a ni. Hei hi Kashmir issue chauh a ni reng reng lo, kan polity fundamental structure a khawih zawk a ni,” tiin Roy chuan a sawi bawk.
India ramah sual uchuak heng genocide leh ethnic cleansing thleng te chu hnawl ahnekin lawmna lam leh politics thilah chawisanin an awm tawh zawk a. Chutih laiin hausakna chu mi tlem te kutah awm nasa zelin miretheite an rethei tial tial bawk. Mak bera ka hriat zawk chu mipuite hian anmahni tichak lo thei te an vote zawk tlat mai hi a ni. Thil nihna dik tak chu technology thunun apiangin khawvel an thunun, tiin Roy chuan a sawi bawk a. Mahse, thangthar zawkte chuan ram humhimin hma an lak a beisei tlat thu a sawi bawk.
Gaza genocide thleng meka India a ngawi tlat chu zahthlak a tih thu sawi bawkin khawvel pumah mi maktaduai tel Muslims, jews, Christian, Hindu, Communist te pawhin Gaza a inkahhai a awm theih nan kawngzawhna te an nei a ni a ti bawk a.
“Mahse kan ram tun hmaa colonised mite thian ni thin chu a ngawi reng. Public intellectual leh writer tam ber te pawh, tlemte tih loh chu an ngawi tlat mai bawk,” tiin a sawi.
N. Ram, Director, The Hindu Group Publishing Private Limited chuan Roy hnenah award hlanna neiin thusawina a neihah kum 2014 atanga thuneihna changte kum 2019 ah a aia thuneihna an sawhngheh theih chhan chu Hindutva communalism leh sum inbawkkhawm vang a ni, a ti bawk a.
Modi kaihhruai BJP sorkar policy leh programme te chu chiang tak maiin corporate sector nena inthlunzawm vek a ni a, hei hi he ram independent history-ah kan la hmu ngai lo a ti bawk.