Lille 1-1 Paris St-Germain

Kylian Mbappe penalty chu PSG tan chakpui tham a tling lo a, Ligue 1 table-a fal lehzuala hmahruai theihna hun remchang an bawhpelh.
Pathianni zan inkhelah Mbappe hian Bafode Diakite laka Lucas Hernandez hlawhchhuah penalty atangin minute 66-ah mikhual team hmahruaina goal a chhuihlut a, season kal laia a league game 16-naah a league goal 16-na a thun a; a career-a Ligue 1 goal 180 a tihluh tlinna chiah niin, he competition history-a goal khung hnem pariatna a ni zui ta bawk.
Lille hi an kawt-kaiah an tlawm ngei dawn nia a lan hnu hun pekbelh minute lina a liam hma chiahin PSG goalkeeper Arnau Tenas chuan Adam Ounas-a goal tur dansak mah se sub-stitute Jonathan David chuan hnai tak atangin home team siphurh sutna goal a khung zui ta a ni.
Khelh 16-a point 37 hum chungin PSG-in table-a anmahni hnaihbertu Nice lakah point ngain an sang a, season 12 chhunga an French title 10-na la tling turin kawng dik an zawh zel.