Stiff-person syndrome a nei tih a puan aTangin kum khat a tling ve leh dawn ta a, tunah chuan Canadian zaithiam lar Celine Dion, kum 55, hian a taksa peng Thenkhat chetdan chu a thunun thei tawh lo niin a laizawn Claudette Dion chuan a sawi.
7 Jours-in an kawmnaah Claudette chuan, “A tihrawl te a thunun hleithei tawh lo. Ka thinlung tina em emtu chu amah hi mi invawng tak a ni a. A tum a ruh bawk. Ka nu pawhin ‘I Tha leh ngei ang, Tha takin i awm leh ang,’ a ti Thin a. Kan zavaia duhthusamah chuan stage-a a inlan leh theih ngei hi a ni. Mahse, chutiang chu engtikah nge ni ang tih ka hrethiam tawh lo,” a ti.
May thla khan Celine hian tha (neurological) lam natna vang rak stiff-person syndrome avang hian Courage World Tour a lo Thut tawh a, Hetiang natna hian tihrawl te tikhawngin, a na thei hle a ni. Hetih hunlai hian Celine chuan Instagram-ah, “Ka tibeidawng leh che u hi pawi ka ti ngawt mai. Ka thahrui pangngai nei leh turin ka bei Tauh Tauh a, mahse, touring hi 100% a kan That lai pawha thil hautak kha a ni. Show la Thulh san fo mai che u hi a zia lo tak zet a, ka rilru a tina hle a, stage-a lo kir leh tura ka inpeih chian hma hi chuan engkim mai Thulh fel law law hi a Tha tawh zawk a ni,” a ti.
Claudette chuan tunah hian Celine Dion hi Las Vegas-ah a laizawn dang Linda-i’n a awmpui niin a sawi a, stiff-person syndrome lama doctor thiam bikin a enkawl mek niin a sawi bawk.
Celine Dion-i’n \hat lam pan hleithei lo
Get real time updates directly on you device, subscribe now.
Next Post