Kuminah Property Tax atangin nuai 573 hmu

mchhunga chengte tana in leh ram neih dan azira lak property tax ah kumin, 2023 ah Aizawl Municipal Corporation chuan cheng nuai 573 a hmu.
Aizawl mayor Lalrinenga Sailo sawi danin, kum 2022 chhunga AMC-in property tax atanga sum a hmuh chu cheng nuai 324 a ni a, kumin chhungin nuai 573-ah a kai chho. Hetianga property tax lak pun chhan chu, veng hlut dan danglam ta leh mipui hmaizahna avanga rei tak a zat dik loa kalpui tawh chu siamthat a nih tak vang a ni tih a sawi.
Property tax chu AMC sum hmuhna pawimawh a ni tih mayor hian sawiin, “15th Finance Commission atanga sum hmuh a tlem tial tial avangin chhiah khawn a ngai a, chhiah khawn dan hi langtlang tur a ni,” a ti.
AMC-in online-a property tax pekna a siam thar thu leh mi tamzawk chuan local council kaltlanga an la pek zel dawn avangin tlawmngaih chhuaha property tax khawn chhunzawm zel turin local council tinte a chah a ni.