PM-in loneitute a kawm

India sawrkarin ram mipui tana ruahmanna a siam hrang hrang puanzar leh mipui hnena hrilhhriatna atana ruahmanna duan – Viksit Bharat Sankalp Yatra hnuaia agriculture sector chungchangah Thawhtanni khan Prime minister Narendra Modi leh Mizoram loneitu/kuthnathawktu thlanchhuahte chu inbiakhmuh theihna hmangin an inkawm.
Prime minister chuan India-in kum 2047 ralhmaa ram hmasawn/ ram changkang nih a tumna kawnga agriculture sector pawimawhna a sawi a. India ram state hrang hranga kuthnathawktute pawh inbiakhmuh theihna kaltlangin a kawm a ni. Mizorama kuthnathawktu zinga thlanchhuah tel zing ami VL Hruaia Ralte, Durtlang North chuan an aiawhin Prime minister hi organic farming chungchang a sawipui a ni.
India rama loneitute tana hun siamah hian Rural Development & Panchayati Raj minister Girirraj Singh, Minister chuan hriat hmasak tur a sawihawng a. ‘Viksit Bharat Sankalp Yatra’ chungchang video clip siam thlirho hnu in Prime minister hian hun a chang chhunzawm a ni. PM- Kissan Scheme chungchang inzirtir a ni bawk.
Hemi puala Aizawla hun hman hi Agriculture secretary H Lianzela, director Vanlalthlamuana leh department hotu dangte bakah Aizawl bawrhsap Nazuk Kumar te pawhin an chhim a ni.