Pawikhawihna kaihhnawihah naupang 48 home-ah dahlut

Kum 2023 chhung khan Champhai district-a pawikhawihna kaihhnawihah naupang kum tling lo 48 chu home-a dahluh an ni.
Kum 2023 chhung khan Child Welfare Committee (CWC) Champhai chuan naupang, a bika enkawl leh venhim ngai thubuai 40 an ngaihtuah a, heng zinga tam ber chu hursualna lam hawia naupang kum tling lo khuaikhem niin, thubuai 17 a ni. Thubuai dang zingah bhian nu leh pa fate ngaihthah thubuai 4, nu leh pa fate kutthlak ching thubuai 3 a awm bawk. Thubuai ngaihtuah tura chhawp chhuah 40 hi chinfel vek niin, naupang 20 chu home-a dahluh an ni.
Kum 2023 chhung vek khan Juvenile Justice Board Champhai chuan naupang, dan kalha che thubuai 28 an ngaihtuah. Thubuai ngaihtuah zinga tam ber chu rukruk thubuai niin, 10 a ni. Ruihhlo tawlha inhnamhnawih tir naupang kum tling lo thubuai 9 ngaihtuah a ni bawk. Thubuai ngaihtuah zinga 26 chu chinfel tawh niin, naupang 28 home-a dahluh an ni.
2023 July atangin Champhaiah Child Helpline hawn a ni a, phone no. 1098 ah naupang harsatna nei an awm chuan biakpawh theih an ni.