Khawzawla VBSY kalpui thlir ho

Khawzawl district prabhari Dheeraj Joshi hoin Viksit Bharat Sankalp Yatra kalpui tawh dan leh neih zel dan tur chu Nilaini khan Khawzawlah sawiho a ni.
District prabhari chuan Viksit Bharat Sankalp Yatra (VBSY) chu sawrkar laipuiin mipui hmasawnna atana ruahmanna (scheme) a neihte a dawngtuten an dawn theih nana duan a ni tih a sawi a. Line department hotute chu VBSY kalpui kawnga harsatna an neih, hmachhawp leh an hlawhtlinna a sawipui. TB chungchang inhrilh, mipui hriselna endik sak, KCC loan, Har Ghar Jal, ODF chungchang, drone surveillance chungchang leh thil pawimawh dang an sawi ho a. Prabhari ho hian hmalak zelna tur leh tihdan tha zawk ngaihtuah tlangin, an harsatna chu Prime Minister Office-ah a lo thlen tur thu a sawi a ni.
VBSY hi inthlan avangin Mizoram, Chhattisgarh, Madhya Pradesh, Rajasthan leh Telangana ah India ram state danga tih hnuah 2023 December 12 atang khan kalpui a ni a. State leh UT dang zawngah chuan 2023 November 11 atang khan an kalpui tawh a ni. 2024 January 26 thleng kalpui tur a ni a. Hmalakna hi online-in sawrkar laipui hriat tura update zel a ni. Khawzawl district bikah hian January 23 thleng neih tum a ni.