Spurs defender thar Radu
Tottenham Hotspurs chuan pound maktaduai 25-in Genoa defender Radu Dragusin an lei.
Thlasik insuan hun tawi an hawng mek a, English team zingah north London club hi a chechhuak hmasa zingah rtelin, Serie A season kal laia goal hnih khung tawh Romania defender an thlung nghet ta phawt a ni.
Kum 21 mi Dragusin hi January window chhunga Spurs player lakluh hmasakber a la ni lo lehnghal a, a hmain Germany forward Timo Werner chuan loan hmangin White Hart Lane club hi RB Leipzig atangin a lo zawm fel tawh.
A ngheta an sengluh Radu Dragusin hi Romania interna-tional niin, an ram senior national team tan pawh game 13 khel tling tawhin, tun season kal laiah hian Serie A club Genoa match khelh tawh 22-ah bultantu a la ni vek.
Hetih rual hian Spurs defen-der Djed Spence chuan season la bang zawng atan Genoa chu loan-in a zawm ve thung.
‘Bodyguard of Genoa’ ti hiala Italy leilunga hming chher
Dragusin hian Juventus lamah a career bul tanin, Genoa hi loan hmangin a zawm zet a, nikum nipui laiu mai khan a nghet zui a, tunah kum 2030 nipui thawt thleng Tottenham thuam inbel turin contract a ziak leh ta a ni.
Bayern Munich pawhin a tirah Romanian hi an ngaihven ve hman zet a, Tottenham lama tun season kal meka khelhna hmun chang mumal thei lo Eric Dier lam an hawi ta zawk a ni.
Kum 29 mi ni ve tawh Dier hian England tan pawh game 49 khel tling tawhin, London club-a a hlutna a tlakhniam tak hnu hian tun season la bang zawng loan-a Bayern tana khel turin Ger-many a pan fel tawh a, an inrem-naah pawl pahnihin an remti a nih chuan a ngheta inrawih zawm theihna bilh tel a ni.
Cristian Romero leh Micky van de Ven inhliam avangin tun season-ah Tottenham hian tlarhnung lamah indaih tawklohna an tawk a, hei vang hian tunhnai chhoah an manager Angelos Postecoglou chuan a full-back pahnih Ben Davies leh Emerson Royal-te chu a back line hliam tuamdam turin central defence-ah a chhawr a ngai.
Season liamta Serie B lama hming chher tawh centre-back Radu Dragusin an neih hnu hi chuan coach-te tan pawh tlarhnung rem a buai nep deuh tawh ang chu!