No 1 ni thei upa ber Bopanna

Kum 43 mi Indian tennis star Rohan Bopanna chuan a kawppui Matthew Ebden nen thawkduna Australian Open 2024 kal laia men’s doubles semi-final an luh avangin tennis men’s doubles ranking tharah world number one dinhmun a luah chho dawn a, he ranking-a No. 1 ni thei upaber a ni dawn tih a chiang nghal a, kum 2013-a world No. 3 ranking a lo luah ve tawh atangin a ler a chuan thei ta a ni.
Bopanna leh Ebden tangdun hian nimin quarter-final match pakhatah straight-sets hmangin Argentine pair Maximo Gonzalez leh Andres Molteni an hneh a, Indian hian history thar ziakin, men’s tennis-a world No. 1 thleng thei upaber a ni.
Bengaluru khaw tuiliak Boappana chu an result avang leh a ranking thar tur avangin on-court interview lamah a hlim hle a, “He hmun thlenga min tawiawmtu ka team chungah ka lawm a, hun khirhkhan tak tak min pal-tlangpuitute an ni.
“Kum 2013 khan ka career-a ka tawnsan hun ka lo tawngbaw tawh a, in hriat angin, thlen chin atanga kal zel tur kan ni a, hnunglam hawi thei kan ni lo.
“A pui berah chuan ka ka kawppui Matt chungah hian ka lawm a, he ranking ka hmuh theihna bulpui a ni,” a ti.