Football titi
c Liverpool chuan Manchester City zuiin Bayern Munich atanga Germany midfielder kum 28 mi Joshua Kimmich lakchhuah an tum ve mek. (Bild – in German)
c Manchester Unitedchuan thal bawr hliam zai avanga chawlhkar 10 lai chawl tur kum 28-a upa French forward Anthony Martial thlaktu tur tun thlasik insuan hun lai hian dap an tum lo. (Mail)
c United hian tun nipui thawt hunah hian an player rualkhat hralhna atanga pound maktaduai 100 hmuhchhuah tlin an tum dawn a, Getafe lama loan-a an chhuahbotir mek kum 22 mi English forward Mason Greenwood chu an zawrhchhuah hmasakber tur a ni ang. (i Sport)
c Brentford chuan £2.6m fee pein Swedish club Elfsborg atanga kum 22 mi Iceland goalkeeper Hakon Valdimarsson sengluh an tum. (Athletic – subscription required)
c Serie A club Genoa chuan kum 26-a upa ni mek Everton English defender Ben Godfrey an rim mek. (Fabrizio Romano)
c Everton hian an midfielder kum 22 mi Amadou Onana chu £60m fee-in an zuar mek a, Newcastle United-in an ngaihven. (Football Transfers)
c Luton Town chuan Coventry City tana khel mek kum 25 tling chiah English midfielder Ben Sheaf an zirchiang mek. (Teamtalk)
c Fulham chuan Krasnodar nena kum 30 mi Colombian striker Jhon Cordoba chungchanga inbiakna an kalpui mek chu an hnukdawk a, Russian club nena indawr hi an duh chiah lo. (Football Transfers)
c Bayern Munich chu kum 33-a upa Newcastle United leh England right-back Kieran Trippier beiseitu tharlam ber an ni rih. (ESPN)
c Arsenal chuan kum 20 leka upa la ni Paris-St Germain leh Netherlands attacking midfielder Xavi Simons lam an hawi a, RB Leipzig lama loan-a khel mek Xavi hi an chan zawh loh takin thla vengah Wolves tana khel kum 23 mi Portuguese forward Pedro Neto an thlithlai tel bawk. (Football Transfers)
c Newcastle United Slovakian goalkeeper Martin Dubravka chuan kum 35 hmel a lo hmu ve ta a,kumin nipui insuan hunah hian a club vawn laia a hmalam hun tur a ngaihtuah ve tawh dawn. (i Sport)
c Coventry City thuam inbel mek English attacking midfielder kum 25 mi Callum O’Hare contract neih lai chu kumin nipui thawt rual hian a tawp ve tawh dawn a, Southampton, Burnley leh Leicester City lamin an thlithlai rawn mek. (Mail)