Bayern-in a ler hnaih leh hret

Hmahruaitu Bayer Le-verkusen chak zawh loh zanah pahnihna luahtu Bayern Munich chuan 3-2-in mualneitu FC Augs-burg an hneh a, ti hian, pahnihna la thawhsan zo lo mah se khelh inzatah Bayern hian point hnih chiahin Bun-desliga table-ah Leverku-sen hi an thlau tawh a, season hun pawimawh chinah chuan Bavarians bawk hi an dingchang chho leh dawn nia ngaihna a lian leh tawh!
Aleksandar Pavlovic leh Alphonso Davies-te goal hmangin Bayern hian half time-ah sihnih faiin hma an hruai zet a, second half tir lamah Ermedin Demirovic chuan home team siphurh pakhat zawk sut thenin, minute 58-ah Harry Kane chuan mikhual team tan a khung ve leh.
Bayern goalkeeper Manuel Neuer chuan Sven Michel-a penalty pet dang bawk mah se hun pekbelh minute lina a kal mek laia Demirovic-a spot-kick chhuih erawh a dang zo ta lo a, hun tawp dawnah boruak a tang hman at a, mahse, Thomas Tuchel-a team-in an goal khat la neih an hum tluan thei.
On-loan Tottenham defender Eric Dier chuan Bayern Munich tan a vawikhatna’n luh hmasak a chang a; hliamin a tihbuai Bayern tana inlan thei lo zingah Konrad Laimer, Joshua Kimmich leh Dayot Upamecano an tel.
Bayern buaina belh-chhah France winger Kingsley Coman chuan hliam avangin first half-ah khelmual a chhuah-san ve leh a, a khup veilam na avang khan a chawlh ve leh deuh chu a ngaih hmel.
Munich sporting di-rector Christoph Freund chuan hliam avang bawka an first team player an hloh leh pawi a tih thu sawi chungin Kingsley chu a dam leh thuai an beisei thu leh khawng zawka a kirleh ngei tur thu a sawi.
Inrinni Bundesliga in-khel dangah Deniz Undav-a hat-trick siam hmangin Stuttgart chuan 5-2 ngawt-in an mikhual RB Leipzig an sawp a, Leipzig lakah nghet zawkin pathumna din-hmun an sawhnghet.
February thla Cham-pions League last 16 match pakhata Real Mad-rid hmachhawn tur Leipzig hi Germany top flight game an khelh hnuhnung pa-thuman an tlawm a, pali-naah la thu zui hram hram mah se he thu buatsaih lai thlenga an aia game khata la khel tlem zawk Borusia Dortmund nen an point hmuh a inzat tawh.
Season tawp ruala a chawlh tur thu tichiang tawh Jurgen Klopp hmun-ruak luaha a club hlui Liverpool-a manager hna chelh tura sawirik mek Xabi Alonso team Bayer Lever-kusen chuan inkhel dang-ah goal awm loin an mi-khual Borussia Moncheng-ladbach an inhnehtawkpui ringawt a, table-a an hma-hruaina a him lo zual zel.
Khelh 19-a la tlawm lo Leverkusen league-a tlawm lo awmchhun an la ni.