ZPM aia tha tura awm a ngai – Lalsawta

ZPM-in an ti\ha viau a ni thei a, an intih \hat poh leh an aia \ha tura Congress party an awm a ngai tih an president Lalsawta chuan a sawi.
Mizoram Pradesh Congress Committee hnuaia Aizawl khawpui bika hruaitute chu Thawhtanni khan an inhmukhawm a. Thu sawitu Lalsawta chuan, inthlanpuiah an chak loa, president a nihna angin mawhphurtu a ni tih a sawi. Mipuiin nghah an nei a, enchhin phawt loh chuan khawdang hawi an tum tlat lo tih a sawi a ni.
Kum lamah a upa tawh a, party a hruai zel chuan a chakpui loang tih a hlau tih a sawi. Aizawl khawpui Congress hruaituten tha thlah loa an tih zel chuan an la dingchhuak dawn tih sawiin, “National party hi kan awm reng ang. Nghet takin Congress ula, kan la sawrkar em em ang,” a ti.
Tunah chuan hmalam an thlir a ngai a. Hun hlui a liam tawh a, huntharah an chuang a, hunthar hian mi rilruah pawh thil thar an beisei tih MPCC president hian a sawi. “Rilru thar nen he hun tharah hian kan pen a ngai a, kan ram tana kan sawi chak leh kan enghelhte hi a thar a ngai. ZPM hian an titha viau thei a, an intih that poh leh an aia tha tura kan awm a ngai. ZPM-in mipui tana tha an tih theih chuan a lawmawm, an aia tha in kan ti dawn a ni,” a ti.