Ram siam turin kan sawrkar thuai dawn – PC president

Ram siamtha tak tak turin an party a sawrkar thuai dawn tih PC president Vanlalruata chuan a sawi.
Thawhtannia an party office-a thutkhawmah PC president chuan, miten an party an tet thu an sawi thin chu a dik a. Chutihrualin thanglian tura te lua a awm loh avang leh tlusawp tura lian lua a awm loh avangin an zam lo tih sawiin, “Kan ram siamtha tak tak tur hian kan sawrkar thuai dawn,” a ti. Party hmalak dan tur duan lawk ‘action plan’ a sawifiah nghal a ni.
He thutkhawmah hian nakuma PC party-in a kum 50-na, Golden Jubilee a thlen tur chungchang thlirin, ropui taka lawm an rel a. Ruahmanna siam turin office bearer-te mawhphurhna an pe a ni.