Cooperation office tlawh

Cooperation minister PC Vanlalruata chuan Thawhlehni khan Registrar of Cooperative Societies (RCS) office Babutlang tlawhin, department official-te nen an inkawm.
Minister chuan Mizoramah cooperative movement a awm theih nan ngaihtuahna thar sen a tul thu sawiin, ramin hmasawnna a hmuh chhoh zel turah pawh a langsar ber department ni thei turin tan lak a tul tih a sawi a ni.
Agriculture-a hmasawnna tak tak thlen turin cooperative society-te nen thawhho a tul tih Agriculture minister ni bawk PC Vanlalruata hian a sawi a. Thawktu indaihlohnaah post ruak hnawhkhah chhoh zel tum a ni tih a sawi bawk.
Cooperation secretary Vinay Kumar, IAS pawhin thu sawiin, Mizoram khawtlang leh hnam kalphung hrim hrim chu cooperative societies nena inmil tak a ni tih a sawi a. Covid-19 leng vangin cooperative sector chuan harsatna hrang hrang tawk mah se, minister thar kaihhruaina hnuaiah department chuan hmalam a pan zel theih a beisei tih a sawi a ni.