Mizoramin Semi-final an lut

Cricket hmanga inelna Multi Day Match, Col CK Nayudu Trophy khelh mekah Mizoram U-23 ten Manipur U-23 te run 178 a hneh in Semi Final an lut.
Gujarat College Cricket Ground ‘A’ a khelhah Mizoramin an vaw hmasa a, 1st innings ah bul an tan tha lo hle a, inelna neih meka khel tha tak Sahil Reza chuan run 61 siamin 1st innings a siam hnem ber a ni a. A tawp lama Nasib Rai (20) leh Naveen Aayush Gurung (31) te khelh that zarah run 181 an tlin hram a ni. Manipur lamin an vaw ve leh a, Sahil Sharma chuan wicket 4 la in Naveen Aayush Gurung chuan wicket 3 a la a an ni pahnih vawm that zarah Manipur hi run 152 lekah an vawm out ta vek a ni.
Semi Final lut thei turin 2nd innings an khel that a ngai tih hria in Mizoram player ten 1st innings a an tih sualte siam tha in run 321 teh meuh an vaw chhuak. 1st innings a wicket 4 latu Sahil Sharma chuan run 133 a vaw chhuak a. Johan Lalbiakkima (61), Nasib Rai (39) leh Bernard Lalhmangaiha (25) te an thawhhlawk hle bawk. 1st innings a hma an hruaina run 29 leh 2nd innings a run an siam nen Manipur tan target hautak an hnutchhiah.
Manipur hian run 350 khum tumin tan an kha-wh a, 1st innings aiin hma sawt hret mahse Johan Lalbiakima an chelh lo a, ani hian wicket 6 zet a la a, Rinsangzela (2 wickets) bakah K Vanrotlinga leh Captain B. Lalnunfela ten wicket 1 ve ve la in Manipur hi run 172 ah an vawm out vek a. Semi-final an lut ta a ni.