MNF-in MNF an tlin ber – ZPM Thalai

Facebook account lem siama mi beitu man leh a hnua MNF party mi punkhawm chungchangah MNG chuan MNF nih an lo tlin ber zel tih ZPM Thalai chuan an sawi.
ZPM Thalai Hqrs thuchhuak chuan, facebook-a account lem hmanga ZPM leader Pu Lalduhoma, tualthahnaa inhnamhnawih anga puhtu, MNF Hqrs. joint secretary Pu Rosangpuia Jongte chu Cyber Crime Police Station-in a chhuichhuak ta tih a sawi a. MNF hruaituah tlanchhe chunga thu belhchian dawl lo hmanga party dang bei thin an awm chu pawi an tih thu sawiin, ‘MNF ministry-a cabinet minister leh a thuihruai khati zat maiin a thlavang hauha zuitu a nei kha a vanduaithlak hle a, MNF hian MNF nih an lo tlin ber mai niin kan hria,’ a ti.
‘Tlanchhe chunga party dang beih ching thlavang hauha Hnam Run hruaitu khati zat chechhuakte kha, MNF-in sawrkarna a siam laiin an pute kalphung dik lo siamtha turin an ngaihtuahna leh an tha seng se chuan, Mizoram hi heti em em hian an sawpchhiat kan ring lo,’ ZPM Thalai hian an ti bawk.