State Day pual chawnghei tawngtai
State puitling Mizoram hlankai ni, February 20 hian State Day of Prayer Committee huaihawtin Aizawl Sipai Lammualah ram pum huapa sual ngaihdam dila chawnghei tawngtai beihpui ‘Ninevi Challenge’ neih a ni dawn.
State Day of Prayer Committee working chairman, minister F Rodingliana sawi danin, 1987 February 20 atang khan state puitlinga hlankai kan nih hriatrengnan kumtin State Day kan hmang thin a, official function bak engmah Kristian kan nihna lantir zawnga tih a awm ngai lo. State nih hnua Mizoram awm dan chu ringtute leh tawngtaimiten an khawpkham ta lo nia hriat a nih vangin, sawrkar thar din phat atang khan ram pum huapa Pathian hnena tawngtai ni hmang turin Pathian mi thenkhat leh chief minister pawhin a sawi tawh a; February 5 khan mi thahnemngai intelkhawm chuan chief minister an kawm a, an sawihona atangin Committee din nise, an ti a. Ram pum huapa sual ngaihdam dila chawnghei tawngtai beihpui atan hmang turin ruahmanna a kal ta a ni.
He Committee hi sawrkar din a ni loa, mi thahnemngai, kohhran hrang hranga kalkhawmte din a ni tih an sawi a. Sawrkarin State Day hman dan atan a ring zui zel dawn em tih sawi theih an nei lo tih an sawi.8 Lammual pannaah hian chhim lam atanga kalte Sikulpuinawnah, tlaklam chu Vaivakawnah; hmar lam atanga kal turte Chanmari kawnah innghak khawmin, chu’ng hmun atang chuan a ruala chhuakin, chawhma dar 11-a Lammual thleng hman tura kawng zawh tur a ni.
8 Mahni rilrua a lan danin saiip/ Zothuam inbel theih a ni a, saiip puan nei remchanglo tan Lammual gate-ah lak theih a ni ang.
8 Mahni rilrua a thawh dan azirin thuziak – poster leh placard, flag te pawh keng a, a duh tan kraws putchhuah theih a ni. Thuziak hi kan ram sualna avanga Pathian hmaa ngaihdam dilna, Pathian thu awihna lam hawi thuziak ni thei se, Bible chang tarlan theih nise, tih a ni.
8 Lammual chhungah sumdawnna chi reng reng tih phal a ni loa, eitur zuarte pawhin hung pawnah vek tih tur a ni. Hung chhungah bawlhhlawh paih phal a ni loa, bawlhhlawh bawma dah zel turin an inchah lawk.