A thlawnin lung tha lo en

Health & Family Welfare minister Lalrinpuii hmalakna in Mizoram sawrkar leh Sri Ramachandra Institute of Higher Education and Research, Sastra University Sri Shankara Heart Foundation Chennai chuan kar kalta khan ZMC/State Referral Hospital-ah superspecility cardiac camp (lung tha lo tan) a thlawna inentirna an buatsaih.
Ni hnih chhung inentirna hun neihah hian damlo 300 an en a, lung zai ngai tur 130 an awm a ni.
Zai ngai tur atang hian zai hmasak ngai zual mi 50 an thlang dawn a. Sri Ramachandra Medical Institute of Higher Education and Research-ah a thlawnin enkawl chhunzawm tur an ni.
Damlo kalte an kal lam intum a ngai dawn a, inenkawlna dang zawng zawng – thlenna leh ei in, damdawi man, test man leh an hawna man hi hospital hian a tumsak dawn a ni. Hei hian damlo leh a kalpuitu mi pakhat a huam ang.
Hetiang camp hi Lunglei lamah 2022 October khan an lo nei tawh a ni.