Serchhipah meizu 72 man

Kum kalta chhung khan Serchhip district-ah phal lohna hmuna vaihlo zial zu mi 72 man an ni.
Serchhipa kohhran hrang hrang hruaitute tana workshop buatsaihah hei hi sawi a ni a. 2023 January atanga December thleng khan Serchhip District Anti-Tobacco Squad chuan squad drive tum 35 neiin, danin meizuk a khapnaa zu an awm leh awm loh leh meizuk khapna dan siam bawhchhia an awm leh awm loh an enfiah a, hengah hian dan zawmloa puipunna hmuna meizu 72 man niin, an sum chawi tlingkhawm chu Rs. 3490 a ni.
Nikum chhung khan Serchhipa Tobacco Cessation Clinic (TCC) chu mipa 134 leh hmeichhia 88, an vaiin mi 222-in an pan a; an zinga 36, mipa 17 leh hmeichhia 19 chuan vaihlo leh a kaihhnawih an tih thin simin, TCC pantu atanga chhutin zaa 19.45 an ni.