Gaza-ah nunna chan 30,000 tling tawh

7 October-a Israel-in Gaza a run hnuah Palestinian nunna chan 30,000 an chuang tawh tiin Hams enkawl health ministry chuan a puang. Nunna chan zat hi Gaza-a cheng 2.3 million atangin 1.3% niin indona avanga tawrhna nasa tak lantirtu a ni.
Health ministry chuan nunna chan tam ber te chu hmeichhia leh naupang te an ni tiin a sawi bawk a. Mahse, nunna chan sawiah hian civilian leh fighters te thliarhran an ni lo.
Ni tina update an siamah ministry chuan Ningani bikah khan darkar 24 chuhngin nunna chan 81 an awm tiin tihian nunna chan tawh zawng zawng chhinchhiah chu 30,035 an tling tawh a ni.
Hei ai daih hian nunna chan an tam rin a ni a, a chhan chu damdawi in thleng hman lo tam tak an awm a, chung te chu chhiarin an awm lo. Chumai bakah building in a chim hnan mi tam tak an awm bawk.
Gaza ministry of health (MoH) chuan hliam tuar chhinchhiah 70,000 a nei bawk a, chu chu casualty official a chhinchhiah awm chhun niiin Un agencies leh international institutions te chuan an sawi.
World Health Organization (WHO) chuan Gaza health ministry nen chuan inzawmna an neih that thu sawiin data collection/capacity pawh an nei ha a, tun hma lama an data pekchhuah te pawh a rintlak tiin UN agency chuan a sawi a.
WHO chuan nunna chan te chhinchhiahna chu a hmaa Gaza buaina vanga nunna chan chhinchhiah te nena khaikhin chuan civilian nunna chan an pung nasa hle a, naupang leh hmeichhia te chu a tuar nasa zual an ni a ti bawk.
Palestinian nunna chan te chu Gaza-ah an ruang finfiah theih ngei hospital staff emaw medical worker tena an hmuh leh finfiah te chauh chhinchhiah an ni a. Ni tin tlai lamah hospital chuan mithi hming, identity number leh an thihna chhan te, an hliam taur dan kimchanfg te chu centralised MoH system hmangin a tar chhuak thin a, tunah chuan MoH hi Rafah khawpuiah a inbun thung.
Tun tum indonaah hian nunna chan dik tak report a harsa hle a, a chhan chu mitthi dahkhawmna te chu a khah nasat avang leh damdawi in leh clinics chhehvelah inkahnan nasa tak awm rengin internet facility leh phone connectivity a tha lo bawk a ni.
Inkahhaina siam theih a nih chuan ruang hlawm leh bo te chhuina lamah chak zawka hmalak ni thei dawnin chumi hnuah nunna chan zah dik tak chu a hriatfiah theih dawn chauha ngaih a ni a. UN leh rights group te bakah Israeli military te chuan anmahni theuhin investigation an kalpui thei dawn a ni.
Nunna chan zat sawi tihchhuaha sawiselna nasa tak chu engtiangin nge Palestinian te chuan nunna an chan chhan sawi lan a ni lo, Israeli aistrikes, artillery shelling emaw Palestinian rocket kahsual avang a ni em tih te sawi lana nih loh vang a ni a. Nunna chan zat hrim hrim chu Israel tihah an puh vek tawp mai thung.
Tun hnaiah Gaza MoH chuan WHO in ‘indirect mortality’ a tih dungzuiin nunna chan te chu inbeihna avang aiah indona kaihhnawiha harsatna vang ti zawngin a sawi bawk.
Nilaini khan northern Gaza a damdawi Inah naupang paruk chu dehydration leh malnutrition vangin an thi a ti a. Pahnih chu Gaza City a al-Shifa hospital ah thiin pali dang te chu beit Lahia khuaa Kamal Adwan Hospital-ah an thi a ti.
UN chuan Gaza mipui tam tak te chu tam hmachhawn thei reng an ni tiin a sawi a, hei mai bakah hian natna inkaichhawn theih a pung nasa a, damdawi leh medical care lam tlakchhamna a nasa a ti bawk.
Indona hi 7 October, 2023 a Hamas fighter ten Israel chhimlam luhchilha mi 1,200 chuang tihluma saltlang mi 253 an hruai vang niin Israel chuan chhang letin indona a puang zui ta a ni.