Kumin January leh February-ah khan Mizoram Excise & Narcotics (MEN) department-in heroin kg 15.199 lai an man a, thla hnih chhunga manah chuan a tam hle.
2021 thlenga kum tina kum tluana an man zat aiin kumin thla hnih chhunga an man ringawt hi a tam zawk. An chhinchhiahna enin, January-ah kg 7.350 an man a, February-ah kg 7.849 an man. January leh February-a an man hi, thla khat chhunga manah chuan a tam hle a, 2017 thleng khan kumin January-a an man leh February-a an man hi kum tluanin an man ngai lo.
Heroin hi 2015-ah khan kg 4.088 an man a, hei hi kum khat chhunga kg 4 an man tlin vawi khatna a ni. 2017-ah kg 6.186 an man a, 2018-ah kg 8.716 an man; 2018 hi kum khat chhunga kg 8 an man tlin vawi khatna a ni.
2019-ah kg 12.596 an man a, kg 10 an man tlin vawi khatna a ni. 2020-ah a hma kum aiin an man tlem a, kg 11.710 an man. 2021-ah kg 18.906 a tling ta dawrh a, 2022-ah kg 33.418 lawih an man. 2023-ah phei chuan kg 79.359 lai mai an man a, hei hi an man tam ber kum a ni.
Thla hnih chhungin heroin kg 15 chuang man
Get real time updates directly on you device, subscribe now.
Prev Post
Next Post