Meth leh heroin man

Excise & Narcotics Department (END) chuan March 23 zing dar 3.50 khan Champhai district Bulfekzawl leh Sesih khaw inkarah methamphetamine kg 10.100 (mum 101000) an man a, a neitu nia puh mi pahnih – K Lala (44) leh Roluahpuia (32) Bairabi Kolasib district ve ve nia inchhalte pawh an man. Ruihhlo phurhna atana an hman, Mahindra XUV 500 MZ-01Z 4299 chu hren a ni bawk. Methamphetamine hi state pawna hralh an tum an ni.
March 22 chawhnu dar 3.35 khan END hian Rahsi Veng Lunglei bulah heroin gram 252.650 (hawng 24) leh a neitu nia puh – Jiyarul Hoque (26) Chandmari, Tarapur Karimganj district, tuna Rahsi Veng Lungleia khawsa mek nia inchhal chu an man a. Heroin hi Myanmar atanga lak, Lunglei leh a chhehvela hralh tum a ni.
Heroin leh Methamphetamine vanga mante hi ND&PS Act 1985 tlawhchhanin thubuai siamsak an ni.