Kumin IPL final thlengtu tur Chennai

Thawhtanni khan May ni 26-a IPL final khelhna hmun tur nemngheh niin, Chennai thlan a nih thu puan a nih rualin he khawpui hi May ni 24 second qualifier thlengtu tur a nih thu puanzar a ni nghal bawk.
Chennai khawpui thlan a nih chhan hi defending champion Chennai Super Kings kawltu an nih vang a ni a, IPL kalphung angin title kawltu team innghahna khawpui chu opening leh final game thlentir thin an ni.
Marquee play-off match dang pahnih dawltu tur pawh tihchian nghal niin, May ni 21 leh 22-ah Ahmedabad khawpuia Narendra Modi Stadium-ah khelh a ni ang.
BCCI secretary hna chelh mektu Jay Shah chuan chawlhkar hmasa pahnih hnu lam zela inkhelh dan tur pawh tihfel vek tawh a nih thu sawiin, ram puma Lok Sabha inthlanpui lo awm tur avangin chawlhkar hnih daih chiah fixture an tichhuak rih tih a tarlang tel.