Burma ramri hungna atan US dollar 3.7 vel ruahman

India sawrkar chuan Burma nena inrina ramri hung a tum a, hemi atana sum ruahman hi US dollar tlunglekdingawn 3.7 vel nia sawi a ni.
Indian media leh ramdang media lian ten an ziah danin, India sawrkar hian Burma nena an inrina km 1610 vel hungna atan hian US dollar 3.7 billion vel a ruahman a, ramri hung a tum chhan nia a sawi chu ruihhlo leh dan loa sumdawnna dang bakah ram dan kalha ramri kan thinna tihrehna atana tih a ni.
Kumin March thla tir khan India sawrkar hnuaia hemi chungchang ngaihtuahtu Committee chuan ramri hungna atana sum sen tur hi a pawm tawh a, Union cabinet pawmpuina lak leh a ngai dawn nia sawi a ni.
Ramri hung bakah hian ramri hungna bulna hrula kawngpui sialna tur pawh ruahman tel niin, heng kawngpui zinga thenkhat chu ramri ven hna thawktu sipaite awmhmun khuarna pawhna tur a ni thung.
India sawrkarin Bangladesh nena inrina a hung aiiin tuna Burma lam nena inrina a hung tur hi a hautak fe zawk dawn nia chhut a ni a. A ram leilung awmdan bakah a ruka ramri kan turte venna kawnga hmanraw changkang leh tha zawk dah tumna vang a ni tel tih sawi ni bawk.