Phaituala champion boxer Sawmi

Rohtak, Haryana-a REC Combined National Level Talent Hunt Programme 2023-2024 khelhah kar kalta Inrinni khan Serchhip District Boxing Association (SEDBA)-in an sponsor North Vanlaiphai boxer TC Malsawmkimi’n gold medal a awrh.
Sawmi hian final-a a khingpui Uttarakhan boxer hnehin, national gold medal hnekchhuak turin zinkawng hahthlak tak tak chhel takin a paltlang a ni.
A bout hmasaberah Arunachal Pradesh boxer tha Nyasum Bam hmachhawnin, round thumnaah technical knockout-in a hneh a; quarter-final bout-ah Delhi boxer Nancy hnek lehin, unanimous decision-in a chak a; semi-final lamah Maharastra boxer Shraddha Khobragade chu uninamous decision bawka hneh lehin, final-a a khingpui Uttarakhan boxer Jaya Bhist lakah pawh uninamous decision bawkin a chak leh a, gold medal a hnekchhuak ta a ni.
National Level Talent Hunt hi March ni 30 khan khelh tan niin Mizoram atangin boxer pahnih an chhuak a, pakhat zawk chu Siaha boxer Joseph-a niin, ani pawh hian final lutin, a dinhmun thar tarlan hman a ni lo.
Serchhip District Boxing Association chuan an boxer TC Malsawmkimi’n national level-a gold medal a hnekchhuak chu an lawmpui takzet tih thuchhuah siamin an tarlang.