2024 CMT Awards-ah Jelly Roll a langsar
2024 CMT Awards-ah Jelly Roll a langsar
2024 CMT Music Award chu an rama Pathianni zan, keini tana Thawhtanni zing khan an sem ta a, nomination-a category pathum a lang Jelly Roll-a’n award pathum dawngin a langsar ber a, kum hnih chhung a zawnin award pathum ve ve a dawng ta. Kumin CMT Music Awards semna hi Kelsea Ballerini’n a host a, Moody Center, Austin, Texas-ah sem a ni.
Jelly Roll award dawn zingah award ngaihhlut Video of the Year pawh a tel a, he award dawng tu hi social media kaltlanga mipui vote hmanga tlan niin, Jelly Roll hian ‘Need A Favor’ avangin he award hi a dawng a, male video of the year a dawng tel bawk a, nikum khan male video of the year, male breakthrough video of the year leh CMT digital-first performance of the year te chu ‘Son of a Sinner’ avangin a lo dawng tawh bawk. Jelly Roll hi 2013 leh 2014 a Blake Shelton hnua a kum zawna male video of the year dawng leh thei hmasa ber a ni.
Lainey Wilson-i’n ‘Watermelon Moonshine’ avangin female video of the year dawngin, a kum zawnin he award hi a dawng ta a, nikumah ‘Heart Like a Truck’ avangin a dawng tawh bawk. Lainey Wilson hian kum hnih chhungin CMA Award pasarih a dawng tling ta reng mai.
Kumina award semna host Ballerini hian nomination pathum- video of the year, female video of the year leh CMT performance of the year te neiin, award erawh a dawng ta lo.
2024 CMT Music Award dawngtute chu:
Video of the year : Jelly Roll – “Need A Favor”
Best video by a female artist : Lainey Wilson – “Watermelon Moonshine”
Best video by a male artist : Jelly Roll – “Need A Favor”
Duo/group video of the year : Dan + Shay – “Save Me The Trouble”
Collaborative video of the year : Carly Pearce feat. Chris Stapleton – “We Don’t Fight Anymore”
Breakthrough female video of the year : Ashley Cooke – “your place”
Breakthrough male video of the year : Warren Zeiders – “Pretty Little Poison”
CMT performance of the year : Jelly Roll – “Need a Favor” (from 2023 CMT Music Awards)
CMT digital-first performance of the year : Scotty McCreery – “It Matters To Her” (from CMT Stages)