‘Bob Marley: One Love’ biopic sum lalut tam top 5-ah a tel

Bob Marley: One Lobe’ biopic chuan an tlangzarh atanga kar riatnaa US-ah cinema hall ticket hralhna atangin dollar 6,07,000 lalut lehin, tihian North America-a cinema hall ticket hralhna atanga a sum lakluh chu dollar maktaduai 96.6 a tling ta a, North American box office-a biopic film sum lalut tam pangana a ni ta a ni.
Kingsley Ben-Adir channa, reggae legend Bob Marley chanchin behchhana chan Bob Marley: One Love hian 2019-a tlangzarh Elton John biopic ‘Rocketman’ chu sum lakluh tamah a rawn lehpel ta chiah a, Rocketman hian dollar maktaduai 96.4 a lalut ve thung. Bob Marley hi vun cancer nasa chi avangin 1982 khan kum 36 mi chauh niin a thi a ni.
North America-a biopic sum lalut tam top 10 te chu:
10 La Bamba (1987) : $54.2 million
9 Coal Miner’s Daughter (1980) : $67.2 million
8 Ray (2004) : $75.3 million
7 I Can Only Imagine (2018) : $83.5 million
6 Rocketman (2019) : $96.4 million
5 Bob Marley: One Love (2024) : $96.6 million
4 Walk the Line (2005) : $119.5 million
3 Elvis (2022) : $151 million
2 Straight Outta Compton (2015) : $161.2 million
1 Bohemian Rhapsody (2018) : $216.4 million