inkhel Grassroots-ah inziaklut an tam

nkhel.com buatsaih inkhel Grassroots chu April ni 10, 2024 (Nilaini) tlai dar 3 khan AR Lammualah hawn a ni.
inkhel Grassroots hi Brig. Girish Upadhya, SM, VSM, Assam Rifles chuan a kick off a, sipai lal chuan Mizo mipuite’n sports an ngainatzia a hriatpui thu leh he grassroots program pawh hi Assam Rifles chuan an phurpui em em thu a sawi a, sports chu mihring nuna bet tel tlat a nih thu te, sports atanga nungchang zir tur tam tak a awm thute sawiin, inkhel grassroots chu ball petin a chhuih hawng ta a ni.
inkhel Grassroots-ah hian naupang 80 chuang an inziaklut a, thla thum course hawn phawt a ni a, AR Ground-ah tlai dar 3 atanga dar 4 thleng kalpui thin a ni ang.
He Grassroots hi kum 6 atanga kum 16 inkar tana buatsaih niin, FIFA age specific training zawm a ni dawn a, D Licensed coach-te’n an enkawl dawn a ni.