2024 Miss Mizoram WCD-in ambassador-ah hmang dawn

2024 Miss Mizoram thlanna chu kalpui mek a ni a, April ni 9 khan Genesis Gym-ah Fitness Round neih a ni a, April ni 12 zanah Zonet TV-ah tihchhuah a ni ang. Hetihrual hian 2024 Miss Mizoram main sponsor Directorate of Women & Child Development chuan Miss Mizoram chu Ambassador atan an hmang zui nghal dawn tih an puang tawh bawk.
2024 Miss Mizoram contestant-te hi Directorate of Women & Cild Development te hian ni hnih chhung an hmalakna te an fanpui dawn a, UDPA pawhin khawlai/hmun faina leh thianghlimna lama hmalak pui an tum bawk a ni.
Contestant-te hi thil chi hrang hrang tihpui thin an ni a, hun awl an nei hman tawh meuh lo a, April ni 26 zanah grand finale neih a ni ang. 2024 Miss Mizoram hi WCD-in an sponsor bakah UD&PA, Atomy India, GIG Motors leh Mams Food te chu co-sponsor an ni.