Khawzawlah home voter 107 awm

Lok Sabha inthlanpui atan Khawzawl district-ah home voting ti mi 107 an awm.
District election officer K Lalrohlua sawi danin, kum 85 chunglam leh pianphunga rualbanlo (PwD), home voting ti thei mi 109 an awm a, mi 107-in April 8 & 9 khan vote an thlak a ni.
Khawzawl district a awm hnua a tumkhatna atan MLA inthlanpui 2023 buatsaih a ni tawh a, he inthlanah hian tlawmngai pawl, kohhran leh chanchinbumite nena an tanrualna chuan rah tha chhuahin kum 2018-a vote tla aiin vote zaa 5 velin a tla tam tih DEO hian a sawi a. Kumin Lok Sabha inthlanah pawh thawhho tawhna tha tak chhunzawm leh turin ruahmanna hrang hrang a awm tih a sawi a ni.
Inthlan hma leh inthlan nia polling station vil that, intlar awm lohna (Queueless PS) siam a nih theih nan mahni veng mil zelin YMA, MPF adt ten ruahmanna siamin an bawhzui dawn tih a sawi a. Vote zaa 70 chunglam tlakna polling station-ah chuan a tlakna YMA Branch, MHIP leh MUP hnenah lawmman pek an tu, tih sawiin, hemi chungchangah hian NGO-te nen an inhmukhawm tawh a, vote a tlak that theih nan an tang hle tih a sawi.