Ukraine indonaah Russia-in sipai 50,000 chuang chân tawh

Ukraine indonaah Russia chuan sipai 50,000 chuang a chan tawh tiin BBC chuan finfiahna a neih thu a sawi.
Kum hnih chuang iindona kalpui tawh a, tun hnai kumkhat chhunga Moscow in frontline a beih vakna chu ‘meat grinder strategy’ tih niin a hma kum aiin nunna chan 25% dawnin an tam zawk.
BBC Russian, independent media grop Mediazona leh volunteer te chuan February 2022 atang khan nunna chan zat an chhiar nghauh nghauh a ni.
Sipai nunna chan tam tak te chu thlanmuala thlan thar hmangin an hrefiah thei bawk a. Heng bakah hian open-source information hrang hrang newspaper leh social media te pawh hman tangkai a ni bawk.
Indo kum hnihnaah Russia-in sipai 27,300 chuang a chan tawh a, Russian in ram a lak nana a sipai nunna a chan chu turu tak a ni.
‘Meat grinder’ tih chu Moscow chu ina sipaite Ukrainian sipai te chochhuak lo thei lo leh an awmna Russian artillery tena an hriat theih nana hmatawnga a tirh luih vak vak sawina a ni a.
Russia sipai nunna chan 50,000 chuang tawh te chu Moscow in nikum September thlaa official a nunna chan zah a sawi lakah chuan tam tak a ni a. Russian sipai nunna chan chu 50,000 aia tam fe zawk an nih rin a ni bawk.
BBC te analysis ah Ukraine khawchhak lama Donetsk leh Luhansk a nunna chan te chhiar tel an la ni lo zawk zui a. Chhiar tel ni phei se chuan Russian sipai nunna chan chu tam tak zual tur an ni.
Ukraine pawhin a sipai nunna chan zah a sawi zen zen lo bawk a. February thla khan President Volodymyr Zelensky chuan Ukrainian sipai 31,000 in nunna an chan tawh a ti a. Mahse, US intelligence te chuan hei aia tam daih a nih an ring thung.

Meat grinder tactics
BBC leh Mediazona tena sipai nunna chan zah an tarlan chuan Russia in front-line tactics a neihah mihring te tawrhna nasat zia a pholang.
January 2023 atang khan Russia sipai te chuan Ukraine a Donetsk region ah beihpui an thlak tan a. Russia in Vuhledar lak tuma a beih laiin ‘human-wave style frontal assault’ a kalpui tiin Institute for the Study of War (ISW) te chuan an tgarlang.
“Hmun rem lo a ni a, combat power a nei tha lo bawk a, Ukrainian sipai te chu a barakhaih thei ngang lo” tia tarlangin ram tlemte chauh lain mihring an hloh nasa em em thung an ti bawk.
Kum 2023 thal lai khan Bakhmut lak tuma indonaah nunna chan an tam bawk a. Bakhmut laknaah mercenary group Wagner te puihna avangin Russia sipai te chuan khawpui an thunun thei chauh a.
Bakhmut laknaah khan Wagner leader Yevgeny Proigozhin chuan sipai 22,000 a hloh thu a sawi a.
Favang laiin Ukrainian city Adviivka a laknaah pawh Russia chuan sipai a chan nasa hle bawk.
BBC leh Mediazona tana thawk volunteer te chua Russia in Ukraine a run hnuah sipai thlanmual thar 70 siambelhin a awm an ti bawk a. Heng thlanmual te hi a zau chak hle bawk a.
BBC te chuan Russian sipai nunna chan panga zela pahnih te chu indo hma chuan Russian military te nena inzawmna nei hauh lo an ni a ti bawk.
Kum 2022 a Russia in a run tirh kha chuan sipai pangngai te a hmang tiin Samuel Cranny-Evans of the Royal United Services Institute (Rusi) chuan a sawi a. Mahse, chung tawnhriat nei sipai te chu an thi emaw hliam tuar emaw deuh vek tawh a, chung te chu volunteer, civilian leh lung in tang training nei mumal lo ten an thlak a ti bawk.
Heng mite hian professional soldier te tih ang an ti thei lo tiin Cranny-Evans chuan a sawi bawk a. “Ch mi awmzia chu tactic simple tak Ukrainian position hmatawnga artillery thlawp chunga pan bur chu a ni mai” a ti bawk.

Wagner vs defence ministry
Meat grinder hlawhtlin nana pawimawh em em te chu Lung in tang sipaia hman te chu an ni.
Moscow chuan Wagner leader Yevgeny Prigozhin chu June 2022 atangin lung in tang misual te sipaia a lak a remtihsak a, chung mite chuan Russian sorkar aiawhin private army angin ral an do ta a ni.
Wagner chu inenkawlna tawrawt tak nei niin an nunrawng em em bawk a, Wagner sipai te thupek awih lva indonaa hnungkir te chu indona hmuna kahhlum nghal zel an ni.
Wagner te chuan February 2023 thlengin lung in tang te sipai atan a la a, mahse, Moscow nena an inkarna a chhiat hnuah tihtawpsak niin Wagner te thlakin Russia defence ministry chuan Wagner tihdanin lung in tang te chu sipaiah a la zui chhunzawm ta zel a ni.
Nikum June khan Prigozhin chuan Russia sipai te lakah helna kalpuiin Moscow panin kawng a zawh a, mahse, a hnu lawkah a inlamlet a. Mahse, August thlaah thlawhna chesualah a thi zui.
BBC analysis chuan Russian lung in tang sipaia lak 9,000 zet chu frontline ah kahhlumin an awm tawh a. Heng zinga 1,000 te chu BBC te chuan military contract an ziah ni leh an thih ni a hria a ni.
Russian sipai tena lung in tang sipaia an lak te aiin Wagner tena an lakte chu an damrei zawk bawk. Russia defence ministry chuan army unit pakhat lung in tang misual te dahkhawmna Storm Platoons a din bawk a.
Heng Storm Platoons te hi a thla a thla Avdiivka huala lak a nihnaa sulsutu te an ni. He khawpui hi kar riat kalta khan Russia thununna hnuaiah a awm tawh a. Bakhmut hnua Putin an hnehna a chan pawimawh ber a ni.

Lung in tang te frontline-ah tir nghal zel
Wagner te hnuaiah chuan lung in tang te chu indona tualzawla tirh an nih hma in military training pek phawt an ni thin a.
Russia sipai te hnuaiah chuan contract an ziah hnu kar hnih khat lekah frontline ah tirhluh nghal an ni thin thung.
BBC te chuan heng lung in tang military contract pek chhung te a biaknaah military training pek an nih loh thu an sawi hlawm a.
Hmeithai pakhat chuan a pasal chuan nikum 8 April ah military contract a ziak a, a hnu nithumah indonaah tihhlumin a awm thu a sawi.
Nu pakhat chuan a pasal lung in tang chu lung in atangin indona hmunah hruai nghal a nih thu sawiin an fapa thih thu hrilh a tumna lamah a pasal chu indonaah a lo thi tawh reng tih hrilh a nih thu a sawi.

Thih inpeih rawh u
Wagner tana lak an nih chuan lung in tang te chu thlaruk contract ziahpui an ni tlangpui a. Thlaruk an dam khawchhuah chuan an thiltihsual te ngaihdam niin chhuah zalen an ni thin bawk.
Mahse, nikum September thlaa Russia defence ministry in a kalpui danah chuan lung in tang te chuan an thih hma emaw indona tawp hma chuan an zalen thei lo thung.
Chung lung in tang sipaia lak te chuan ralthuam leh hmanrua mumal pawh an nei lo, an silai te chu tha mang tawh lo te an ni tia sawi a ni bawk.
Lung in tangte erawh an duhthu ngeia sipaia lak an ni thung a. Intiamkamna siamtir vekin hlawh pawh tha tak pek an ni bawk a. Mahse, Wagner tena lung in tang sipaia an lak te chu training mumal tak pek vek an ni thung. Chung sipai te chu a tam zawk chu rothap leh pawisak nei lo zet zet an ni bawk a. Wagner te kha Africa-ah che nasa in Russia tan nasa takin hma an la a, hausa hle bawkin sumdawnna tam tak an thununna hnuaiah a awm bawk a ni.