French Open khel tur zingah Murray a tel Raducanu dinhmun erawh la chiang lo

Britain innghahna lian pahnih ni chunga hliamin a tlakbuak chhoh tak deuh reng Andy Murray leh a chipui nu Emma Raducanu-te chu May ni 26 atanga khelh tan tur French Open-ah British mipui beiseina an ni leh dawn a; a mipa zawk Murray hi khel thei tur entry list-ah telh a ni phawt a, ranking lama a hniam rih tak em avangin Raducanu erawh main draw-ah a lang dawn em tih a la chiang lo.
|um thum lai Grand Slam champion ni ve tawh Murray hian thla hmasa Miami Open-ah khan a kheimit tina lehin, ngai la awh chiah lo mah se a ranking vawn atanga tehin Roland Garros-ah hian ngaihnathiamna (wildcard) emaw qualifying paltlang emaw ngai loin mipa singles lamah main draw a chang pha dawn.
Raducanu hi nikum khan a hnuhnung lam thlariat chhung hliam avangin khelmualah a inlan mumal thei lo a, chuti chung chuan dan (protected ranking) tlawhchhanin a ranking tlahniam thui lutuk tur a humhim a, tunah hian world number 103-na niin, he ranking behchhan ngau ngau hi chuan main draw thleng zo lo tur a ni a, mahse, inhnukdawk neuh neuh an awm dawn em a la chiang lo a, thei leh lo tur aia a lut lo a nih chuan wildcard emaw qualifying emaw kaltlang lo chuan entry list-ah hmun a chang zo lo!
2021 US Open champion Raducanu hi tunah kum 21 mi niin, hliamin a tihbuai nikum chhung khan match 10 chiah a khel tling a, kuminah a leikang dawrh a, he thu buatsaih lai thleng hian match 12 a khel tling tawh.
Karliamta Inrinni khan set khata hnufual hmasa zet chungin France player Diane Parry lakah 4-6 6-1 7-6 (7-1) hnehna changin Great Britain chu tennis-a ram leh ram inelna Billie Jean King Cup Finals khel turin a tlinpui a, Le Portel khaw inkhela hnehna a rawn chang chho leh ta hian clay court-a grand slam khelh mai turah pawh inrintawkna sang deuh zawk a pe ngei tura beisei a ni.
Briton dang Katie Boulter leh Harriet Dart-te chuan main draw-a tel turin direct entry an hmu fel tawh a; thla hmasa maiah a banrek hliam zai ni mah se British number three Jodie Burrage pawh hmeichhe entry list hian telh a ni.
Men’s entry list lamah Cameron Norrie, Dan Evans leh Jack Draper-te’n Murray-a hnung an zui ve bawk.
Kum 2019-a a khel bawr zai a nih hnu khan kum 36 mi Murray hi Roland Garros-ah tum khat chiah la inlanin, kum 2020 khan first round a paltlang zo lo.
London 2012 leh Rio 2016-a Olympic gold medal awrhtu Scot hian kumin kumtir te khan a chawlh hma ngeia Games vawikhat tal hmachhawn leh a duh thu a lo sawichhuak tawh a,