Beach kamah medal pahnih sualchhuak

April ni 17-21, 2024 chhung khan Madhavpur Chopati Beach, Gujarat-ah Madhavpur (Ghed) Fair- 2024 ‘Beach Sports Festival’ zawh fel niin, North East taekwondo team aiawha khel Mizo tleirawl pahnihin India hmarchhak team tan medal pakhat ve ve an sualchhuak.
North East aiawhtu pakhat zawk R. Lalbiaknuami (Chaltlang) chuan senior under -49 kg huangah khelin gold medal a awrh a; Vanlalthlamuanpuii (Zemabawk) chuan junior under 57 huangah khelin, final-ah a thlengtu Gujarat aiawh lakah vanduaiin silver medal a dawng thung.
Beach Sports Festival hi Sports Authority of Gujarat buatsaih niin, sports discipline hrang hrang pariat – taekwondo, judo, beach kabaddi, 7 A-side football, beach volleyball, beach handball, 100 mtrs. running leh tug of war hmanga inelna buatsaih a ni.
Tarlan tak angin, India ram state hrang hrang a\anga infiammi fuankhawmna lianah hian Mizo nula pahnih hi North East taekwondo team-a an player langsar an ni pha.