Vote thlak tha branch hnenah lawmman

Systematic Voters’ Education and Electoral Participation (SVEEP) hnuaia Khawzawl District Election Office hmalakna peng pakhat, MP inthlana vote tlak thatna khua YMA Branch, MUP leh MHIP branch hnenah Thawhlehni khan chawimawina hlan a ni.
Khawzawl district election officer K Lalrohlua chuan inthlan hmachhawn tura an district inpuahchah dan leh vote tla tam theihna tura hma an lakna a sawi a. Tlawmngai pawl nen thawhhona tha tak an nei chu lawmawm a tih thu sawiin, inthlan awm zel turah pawh an thawhpuina leh tawiawmna a ngen nghal a ni.
Bawrhsap hoa District MUP, Sub Headquarters YMA leh MHIP thukhawm chuan vote tlak thatna khua YMA Branch hnenah lawmman hlan nise, tiin a lo rel tawh a. Hei bakah hian MHIP leh MUP Branch, member za zela 70 chin vote thlakte tan lawmman siamsak an ni bawk.
Category tina pakhatna hian sumfai Rs. 10000 an dawng a, pahnihna in Rs. 5000 leh pathumna Rs. 3,000 a ni. Branch 7 theuh tan consolation prize (Rs. 2000) siam a ni bawk.
YMA Branch lawmman dawngtute:
1-na Khualen, 2-na Vangtlang, 3-na Arro
MUP Unit lawmman dawngtute:
1-na Khawhai, 2-na Khawzawl Arro, 3-na Arro
MHIP Branch lawmman dawngtute:
1-na Khawhai, 2-na Khawhai Venglai, 3-na Khualen