US-in Ukraine hnena a ralthuam pek tura ngaihte

Dollar 61 billion package military aid chu Ukraine hnenah US Senate chuan pek remti ta in President Joe Biden chuan hming a ziah hnan mai tawh dawn a. He militry package hnuaiah hian Ukraine chuan ralthuam dawng dawnin chu chu Russia hmasawn zel dan nan a hmang thei dawn a ni.
Ukraine in ralthuam a mamawh pawimawh zual chu hmun thumah then niin: air defence system, mid to long-range missiles leh artillery shells te a ni.

Air Defence
Vansang lama Russia chetlakna dan chu Ukraine tan a khawpui leh infrastructure pawimawh energy plants ang te venhim nan a mamawh tak zet a.
Kar kalta khan Ukrainian President Volodymyr Zelensky chuan kumin chhung ringawtin Russian missiles 1,200 dawn, drones 5,000 chuang leh guided bomb 8,5000 chuang hmangin a bei tawh a ti.
Ukraine hian khawthlang ram te pek ralthuam hrang hrang shoulder-launched Stinger short range missiles atanga advanced leh man to Patirotic system te pawh a nei a. Zelensky chuan Patriots system dang pasarih tal an la mamawh belh tiin a sawi bawk.
Russia cruise leh ballistic missiles S-300 leh S-400 surface to air missiles te bakah Iran siam Shahed-136 drone te chu tam tham tak kahchhuah a nih thin avangin Ukraine chuan a kap thla seng lo a ni.

Mid to long-range missiles
Indonaah chuan leilama inbeihna a pawi mawh em em a. Nikum October thla atang khan Ukraine chuan a khawchhak lamah Russia sipai te lakah 583 square kilometres a hloh tawh a, artillery a tlakchham avanga a hloh an ni.
Ukraine tan chuan mobile platform atanga kahchhuah theih High Mobility Artillery Rocket Systems (HIMARS) chu a pawimawh em em a.
A dahna hmun turah dah vatin set-up zung zunga Russian forces tena a awmna lai an hriatchhuah hmaa kahchhuah char char theih a ni a. Ukraine chuan HIMARS tam zawk leh tanks leh Bradley infantry fighting vehicles te chu a mamawh ber ber niin a sawi.
Tuna tanpuina hnuaiah US Army Tactical Missile Systems (ATACMS) long-range version pek a ni dawna sawi a ni bawk a. ATACMS system version hlui zawk chu Ukraine-in a kawlsa tawh a mahse version thar chuan 300km a kap pha a, Version thar hmang hian Crimea hmun ril ber ber Russia in naval base a neihna te chu a kap pha tawh dawn a ni.

Artillery shells
United States chuan February 2022 atang khan Ukraine hnenah shell 2,00,000 chuang a thawn lut tawh a. M777 howitzers hian 155mm artillery shells a hmang a. Tuna tanpuina pek thar turah pawh tam zawk pek luh a ni dawn a ni.
Heng artillery shells te hi chu ni hnih khat lekah Ukraine kutah hlan mai theih a ni dawn a. Mahse, ralthuam lian leh pawimawh zual te chu ni eng emaw zah chhung hun mamawh a ni dawn thung.

F-16 fighter jets
Ukrainian pilot leh crew te chuan Romania ramah F-16 fighter jet khalh an zir mek a. Heng F-16 te hi air-to-air leh air-to-ground capability nei niin Ukranian air defence tiphuisui tu tur a ni.
Denmark, the Netherlands leh US te chuan Ukraine hnenah thlakhat chhungin “Vipers” te hi an pe nual hman dawn a. Fighter jets te chu game-changer ni lo mahse Kyiv tichaktu tur pawimawh a ni.
Moscow chuan F-16 te chuan indonaah danglamna an siam dawn lo Russian forces ten an kap thla zel ang tiin a sawi nghal thung.
Heng ralthuamte hi Ukraine-in a neih belh chuan indona kal mekah nasa takin a pui ngei tura ngaih a ni.