Ward ruaka inthlan tul thu thlen

Aizawl Municipal Corporation (AMC) hotute chuan state sawkar hotute hnenah Aizawl Municipal ward pahniha inthlan that a ngaih thu an thlen.
AMC Ward No.IX corporator Baryl Vanneihsangi Tlau chu MLA-a thlantlin a nih hnu ah Ward No.VI corporator John Zosangliana Ralte chu kumin March 21 khan a boral bawk.
AMC hotute chuan Baryl Vanneihsangi Tlau hian MLA ni tura rinawmna thu a tiam hnu lawkah an nodal department UD&PA ah an thlen nghal tih an sawi a. UD&PA hian GAD lamah thlenin, GAD hian State Election Commission (SEC) ah a thlen leh a, SEC hian electoral roll buaipui turin DA lam an hriattir tawh nia an hriat thu AMC hotute hian an sawi.
AMC ah hian ward 19 a awm a. MNF party chuan bial 11-ah corporator neiin sawrkarna a siam a, ZPM party-in corporator 6 neiin, Congress party-in corportor 2 a nei a. Tuna bial ruak hi ZMP leh MNF bial a ni.