Kejriwal chungchang ngaihtuah zel

Supreme Court chuan eng vangin nge Delhi Chief Minister Arvind Kejriwal chu Lok Sabh thlan hma chiahah kher man a nih Enforcement Directorate te hnenah a zawt.
Kejriwal chuan Delhi liquor policy case chungchanga amah manna chu a khing mek a ni.
Kejriwal man a nih hun kher chungchangah Justice Sanjeev Khanna chuan ED te chu central agency te chuan judicial proceeding tel lovin criminal proceeding an kalpui thei lo em ni tiin zawhna a zawt a.
“Tun thlengin he case-ah hian attachment action a la awm lo va, a lo awm tawh a nih chuan eng nge Kejriwal a inhnamhnawihna chu lailang rawh u” tiin Justice Khanna chuan a sawi a. “Eng vangin nge Lok Sabha inthlan hma khera man a nih” tiin a zawt bawk.
Supreme Court chuan Delhi Deputy Chief Minister Manish Sisodia man chungchangah kha chuan investigator ten material an neih thu an sawi a, Kejriwal case ah chuan chutiang chu sawi tur an nei lo a ti bawk a.
Supreme Court chuan ED te chu eng vangin nge proceeding leh man inkarah kak zau tak a awm sawifiah turin a ti bawk a. Court chuan ED te chu Zirtawpnia sawifiahna siam turin a ti zui a ni.
“Zalenna chu pawimawh tawp a ni a, hnial thei kan ni lo” tiin Supreme Court chuan Kejriwal man a nih hun chung changah a sawi bawk.