ASF-in Aizawl & chhehvel veng/khua 16 a tuam tawh

Vawk pul hri, African Swine Fever chuan Aizawl khawpuia veng 14 leh a bulhnai khaw pahnih a tuam tawh.
Kumina Mizorama African Swine Fever (ASF) rawn lang hi a tirah Champhai district khaw pahnih bakah Lunglei district khaw pahnih a ni a; Aizawlah veng pahnih thum veklah hmuh hmasak a ni bawk. Saitual district-a khaw pakhat leh Saitual khawchhung bakah Khawzawl district-a Dulte khuaah hmuh a ni bawk a, Saitual khawchhung leh Dulte bik hi ala darh mek a, chumi tih lohah chuan Aizawl bik hi a darh mekna a ni.
AH & Vety department chhinchhiah danin, Aizawla veng 14-ah leh Aizawl bulhnai veng pahnihah ASF hi a lut tawh nia ngaih a ni a, heng zingah hian – Maubawk, Mission Veng, Nursery, Model Veng leh Melthumah chuan ASF vanga vawk thi la awm lo mah se, ASF kai vanga suat an awm tawh a ni. Heng bak veng 11 – Salem Veng, Kulikawn, Dinthar, Armed Veng, Khatla South, Edenthar, Falkland, Republic, Ramhlun Sports Complex, Tuikual North leh Muallungthu ah chuan ASF vanga vawk thi an awm tawh a ni.
May 6 thleng khan ASF vanga vawk thi 465 an awm tawh a, ASF kai ni ngeia hriat tihhlum 165 an awm tawh bawk.