BTS RM solo album May 24-ah tlangzarh dawn

BTS member RM chuan a solo album pahnihna ‘Right Place, Wrong Person’ chu May ni 24-ah a tlangzarh dawn a, he album track list pawh May ni 17 khan a tichhuak ta bawk.
‘Right Place, Wrong Person’ album-ah hian hla 11 a awm a, alternative genre base niin, British rapper/singer Little Simz nen ‘Domodachi’ hlaah an thawk dun a, singer/guitarist Moses Sumney nen ‘Around the World in a Day’-ah an thawk dun bawk. Album atanga a single hmasa ber ‘Come Back to Me’ bakah he album-ah hian a title track leh ‘Nuts,’ ‘Groin,’ ‘Heaven’ leh ‘LOST!’ tih hlate pawh a awm.
‘Come Back to Me’ hla hi RM phuah niin, guest musician South Korean band HYUKOH nena an phuah dun a ni a, ani hian a hla hi a arrange nghal bawk a, guitar leh bass hi Taiwanese band Sunset Rollercoaster ami Kuo kutchhuak a ni bawk. RM hian “Come Back to Me’ pualin minute sarih a sei video pawh hmanni lawk khan a tichhuak tawh bawk.
‘LOST!’ hlaah hi South Korean band Silicia Gel ami Kim Hanjoo produce a ni a, “? (Interlude)”-ah alt jazz duo DOMI & JD Beck ten production-ah an pui bawk.