Candidate-ah Piyush Goyal hausa ber

Thawhtannia Lok Sabha inthlan thawh ngana neih zawh takah khan candidate 695 an awm a, canddiate tin te sum neihzat chawhrual chu Rs 3.65 crore niin candidate langsar tak zingah Rahul Gandhi, Smriti Irani, Karan Bhushan Singh leh Chirag Paswan te pawh an tel a ni.
Candidate 695 zinga 227 (33%) chu crorepatis an ni a. Candidate 86 te chuan asset Rs 5 crore chunglam an nei a, candidate 73 te chuan Rs 2 crore leh Rs 5 crore inkar an nei a, candidate 162 te chuan Rs 50 lakh atanga 2 crore an nei a, candidate 175 te chuan asset Rs 10 lakh atanga Rs 50 lakh nei thungin candidate 199 te chuan Rs 10 lakh hnuai lam an nei thung.
Maharashtra-in candidate ngah berin 126 a nei a, Crorepati pawh ngah berin 87 an awm bawk a, constituency 13 huam chhunga mi an ni hlawm. Uttar Pradesh-in dawtin candidate 144 an awm a, crorepati 53 awmin constituency 14 huam chhung a ni thung. West Bengal-in candidate 88 neiin crorepati 20 a nei a, constituency 7 huamchhung a ni thung a. Bihar pawhin candidate 89 neiin crorepati 27 an awm a, constituency 5 huamchhung a ni a, Jharkhand-in candidate 54 neiin crorepati 21 awmin constituency 3 huamchung a ni a, Odisha in candidate 40 neiin crorepati 13 leh constituency 5 huamchhung a ni thung a. Jammu and Kashmir in candidate 22 neiin crorepati 4 an awm a, constituency khat chauh a ni thung a, Ladakah pawhin candidate 3 a nei a, pahnih chu crorepati niin constituency khat a ni bawk.
Independent candiate 291 awmin chuta tanga 48 lai chu crorepati an ni a. Party ang chuan Bhjaratiya Janata Party (BJP) te chuan candiddate 40 neiin chung zinga 36 te chu crorepati an ni a. Bahujan Samaj Party (BSP) ten 46 candidates an neihah 20 chu crorepati an ni a, Congress ten candidate 18 neiin 15 chu crorepati an ni thung a, Samajwadi Party (SP) ten candidate 10 neiin crorepati vek an ni thung, Shiv Sena (UBT) ten candidate 8 an neihah 7 chu crorepati an ni bawk a, Vanchit Bahujan Agadi (VBA) ten 10 neiin 7 crorepati an ni a, Shiv Sena ten paruk an neihah an vaiin crorepati an ni vek a, TMC ten 7 an neihah 6 crorepati an ni bawk a, RJD ten 4 an neihah an 4 in crorepati an ni a, BJD ten 5 an enihah 4 chu crorepati an ni bawk.
Lok Sabha inthlan thawh ngana a candidate zingah BJP candidate Anurag Sharma UP a Jhansi a ding leh Managing Director, Shree Baidyanath Ayurved Bhawan Pvt Ltd ni bawk chu hausa berin Rs 212 crore a nei a. Maharashtra a independent a ding Bhiwandi Nilesh Bhagwan Sambare chu pahnihna niin Rs 116 crore a nei a. Piyush Goyal chu hausa ber pathumna niin Rs 110 crore a nei bawk. Goyal hi Union Minister of Commerce, Industry, Consumer Affairs and Food and Public Distribution ni lai mek niin Mumbai North ah a ding a ni.
Candidate rethei zual zingah Jammu and Kashmir a Baramulla seat chuhtu independent candidate Mohammad Sultan Ganaie chuan Rs 67 a nei a, Bihar a Muzaffarpur a independent a ding Mukesh Kumar pawhin asset Rs 700 a nei bawk a, West bengal Hoohly seat chuhtu independent Surajit Hembram chuan Rs 5,427 a nei a, Baramulla seat a independent candduate Mehraj Uddin Najar pawhin Rs 10,000 a nei bawk a, hengte hi a rethei zualte an ni.