Kawngpui siam mek MLA-in enfiah

2023 June atanga hna thawk tura inbun tan tawh, SLT Infracon Pvt.Ltd. in W. Phaileng to Marpara kawng siam hna an thawh mek chu, Dampa Bialtu MLA Lalrintluanga Sailo chuan an hnathawh chin leh hmabak te, an mamawh zel tur enpuiin Nilaini khan a tlawh.
Bialtu MLA chuan thawktuten hna an thawk tha in an thawh chinah sawisel tur a vang hle tih a sawi a. He kawng siam tur hian thla hnih khat leka hlawhtlin pui theih a ni lo, tiin, “2019 kumtir atang tawh khan khawi atangin nge a kawng kan zawn ang, tiin theihtawp chhuahin kan bei a, chutianga harsa taka kan beih hnuah vawiina a hlawhtlinna hmel kan hmu thei tur hi kan lawm takzet a ni,” a ti.
Thawktuten hna an thawk tha hle in ka hria a, chutihrualin helai kawng chhawrtu tur zawng zawng pawhin hna tha a awm zel theihna’n thawktute tawiawm thin turin a chah.
MLA hian Pukzing to Silsuri kawng siam tur leh Hruiduk leh Silsuria hmunphiah kudam siam turte a tlawh nghal a ni.