Rahul Gandhi-a’n Modi bei chhunzawm zel

Prime Minister Narendra Modi chuan tun hnai kum 10 chhungin mi 22 te loan lak Rs 16 lakh crore hu a ngaidam a, mahse, nikum furpui avanga Himachal Pradesh a chhiatna nasa tak a thlen chhawmdawlna Rs 9,000 crore pawh a pe duh lo tiin Congress leader Rahul Gandhi chuan a sawi.
Hill state tanpui ai chuan Modi chuan Himachal Pradesh state elected sorkar chu paihthlak tumin hma a la zui zawk a ni, tiin Gandhi chuan a sawi.
Himachal Pradesh Sirmaur district-a Nahan a Congress candidate Shimla (SC) Parliamentary constituency Vinod Sultanpuri tana a campaign naah Rahul Gandhi chuan Modi chuan storage facility tin te chu apple man thunun a nih theih nan mi pakhat kutah a dah vek a ti bawk a.
Narendra Modi-an thuneihna a chan apiangin Adani-owned company te share price chu a sang zel, tiin Gandhi chuan a sawi bawk a.
Gandhi chuan Centre a thuneihna an chang a nih chuan thlai tinah Minimum Support Price pe in farm loan te ngaihdam a ni ang a ti bawk a.
Mirethei chhungkua chuan poverty line an pel hma chuan kum tinin tanpuina Rs 1 lakh an dawng ziah ang a ti bawk a. Congress president chuan thalaite tan kum tinin hna 30 lakh an siam ziah ang a ti bawk.
BJP leader-te chuan Constitution an bei char char a, nuaibo an tum a ni ti bawkin Congress worker te chu Lok Sabha inthlanah Constitution of India humhim a nih theih nana theihtawpa thawk turin a ngen a ni, tiin Congress leader Rahul Gandhi chuan a sawi bawk.