ABBA-in Swedish Kinghthood an dawng

Swedish pop quartet, 1974 Eurovision Song Contest-a ‘Waterloo’ hla hmanga winner an nih atanga khawvelin a hmelhriat tak, an vanglaia khawvela group lar ber te zinga mi ABBA member te chuan Swedish King Carl XVI Gustaf hnen atangin knighthood, Order of the Vasa an dawng.
Sweden-a knighthood ngaihhlut tak, Order of the Vasa i tun kum 50 dawn chhunga an pekchhuah vawi khatna a ni a, ABBA member Agnetha Faltskog, Björn Ulvaeus, Benny Anderssonleh Anni-Frid Lyngstad te chu Swedish leh international music tana an thawh hlawk em avangin ‘Commander of the First Class’ hlan an ni ta a ni.
Sweden-ah hian chawimawina chi hrang hrang an nei a, Royal Order of Seraphim chu sorkar lam hotulu leh ramdang hruaitu te hnena hlan thin a ni a, Royal Order of the Polar Star chu ramdangmi chawimawina an pek theih sang ber a ni bawk.
Order of the Vasa hi chu Sweden emaw Swedish emaw tana hlawhtlinna ropui tak nei te hnena hlan thin niin, Swedish mi nawlpui tana chawimawina sang ber a ni. Kumtir lam khan he chawimawina dawng thei tur hi mipui leh Swedish sorkar ten thlangin, nomination an siam a, an ram lal-in nominee-te chu a pawm leh a, chung zingah chuan ABBA member pali te hi an tel.