Scotland squad-ah Morgan leh Tommy
Scotland head coach Steve Clarke chuan Euro 2024 bul an tannaa tournament thlengtu Germany an hmachhawn hma ni riat chiah awm tawhah nimin khan hliam avanga provisional squad atanga inhnukdawk striker Lyndon Dykes leh winger Ben Doak-te hmunruak luah turin New York Red Bulls player kum 27 mi Lewis Morgan leh Bristol City striker Tommy Conway a senglut.
Zanin iInternational friendly match pakhatah Scotland hian Hampden Park, Glasgow-ah Finland an infiampui dawn a, tah hian Morgan leh Scotland Under-21 Tommy chu enchhin tur zingah an tel a, player 28 a thlanchhuah zing atangin Clarke hian mi pahnih a chhawk then leh ang a, a final selection-a inhamtang player 26-te’n Europe ram mipate football-a inelna sangber khel turin Germany an pan ang.
Zanin game hi Scots tan Euros khel tura an final warm-up match a ni tawh dawn a ni.
Celtic, Inter Miami, St Mirren leh Sunderland attacker hlui Morgan hian Clarke-a hma chiaha Scotland head coach Alex McLeish-a hnuaiah khan kum 2018-ah ram tan vawihnih a lo khel ve tawh a; club levelah game 284 atanga goal 66 thun tling tawhin, chu’ng zinga goal 22 chu kum 2022-a Bulls a zawm hnua a tihluh a ni.
Euro 2024 khel tur Scotland squad hmasaah hian hliam av angin player langsar rualkhat – Aaron Hickey, Nathan Patterson leh Lewis Ferguson an lang ve ta lo.
Scotland provisional squad
Goalkeepers: Zander Clark (Hearts), Craig Gordon (Hearts), Angus Gunn (Norwich City), Liam Kelly (Motherwell)
Defenders: Liam Cooper (Leeds United), Grant Hanley (Norwich), Jack Hendry (Al Ettifaq), Ross McCrorie (Bristol City), Scott McKenna (FC Copenhagen), Ryan Porteous (Watford), Anthony Ralston (Celtic), Andy Robertson (Liverpool), John Souttar (Rangers), Greg Taylor (Celtic), Kieran Tierney (Real Sociedad)
Midfielders: Stuart Armstrong (Southampton), Ryan Christie (AFC Bournemouth), Billy Gilmour (Brighton & Hove Albion), Ryan Jack (Rangers), Kenny McLean (Norwich), John McGinn (Aston Villa), Callum McGregor (Celtic), Scott McTominay (Manchester United)
Forwards: Ché Adams (Southampton), Tommy Conway (Bristol City)