Vawk 2179 an thi tawh

Mizorama African Swine Fever (ASF) thawh thumna leng mekah June 16 (Pathianni) thleng khan vawk 2179-in hri hi an thihpui tawh a, he hri kai ni ngeia ngaih, tihhlum 4642 an awm tawh bawk a, a vaiin vawk 6821-in an thih phah tawh. He hrileng hian khua/veng 102 a tuam tawh a, district pali – Aizawl, Serchhip leh Saitual chu tuna a nghawng nat zual mek niin, JJune 16-a vawk thi pawh Saitual district-a Thanglailungah 19, Serchhip district-a Chhiahtlangah vawk 2, Baktawng 1 an ni a. ASF kai nia ngaih vawk suat chu Serchhip district-a Chhingchhipah 98 bakah Khumtung leh Baktawng a 3 ve ve an ni. Aizawl district Darlawngah 7 leh Tlungvelah 4 tihhlum a ni bawk.