Netanyahu-an a War Cabinet thiat
Israeli Prime Minister Benjamin Netanyahu chuan Gaza indona kengkwh tura a din War Cabinet chu member pawimawh takin indona Israel-in a kalpui danah lungawi lova a ban hnuah a thiat zui.
Centrist military chief hlui ni bawk Benny Gantz an tun thla tir lama banna a thehluh hnuah Netanyahu chuan lohtheihlohin a ultranationalist allies te chu lakah a tlulut lo thei lo a ni.
Tunah chuan Netanyahu chuan forum te zawk a sorkar member te chauh awmkhawmna a security Cabinet te, dfar-right governing partner te Gaza a inkahhai duh lo te kutah a tlulut lo thei dawn tawh lo tia ngaih a ni.
War Cabinet kha Gaza indo tirh phata din niin khatih laia opposition party leader Gantz chuan Netanyahu kaihhruai coalition chu Hamas te laka indona kalpuah an lungrualzia lantir nan a zawm a ni.
War Cabinet-ah member pathum chauh awmin- Gantz, Netanyahu leh Defense Minister Yoav Gallant te an ni a, an pathum hian Gaza indona kaihhnawih thil engkimah thutlukna an siam a ni.
Israel leh Hamas te chuan inkahhai awm theih nan leh mitang chhuah a nih theih nan hma la mek zelin rawtna siam zel a ni a. Chutih rual chuan Israeli sipai te chuan Gaza Strip an la awp reng a, southern City Rafah pawh la bei rengin chet an la la mek reng thung. Hetihlai vek hian Israel leh Lebanese Hezbollah militant group te chu an inbei reng bawk a ni.
Netanyahu chu khawvel ram hrang hrang ten inkahhai kalpui turin an nawr reng a, chutih laiin a sorkar a a thawhpui far-right te chuan inkahhai a kalpui chuan a sorkar tihthlakah vau thungin dinhmun khirhkhan takah a ding mek a ni.
Sawiseltute chuan Netanyahu chu thutlukna a siamah a sorkara ultranationalist te duhdan dana kalah leh thuneihna chan a duh hrim hrim avanga chetlaah an puh a. Mahe, chung puhna te chu Netanyahu chuan a hnawl thung.
Netanyahu sorkar mek chu Israel a religious leh nationalist ber anga ngaih a ni a. Israel in parliamentary system a kalpuiah Netanyahu chu sorkar a siamna kawngah party tenaute puihna mamawh a ni bawk si a ni a, Gantz party thlawpna tel lo phei chuan party tenau zawk te thlawpna mamawh zual a ni bawk.