ECM kohhran nu hoin tlawh

Evagelical Church of Maraland Kohhran Nu pawl (Krizyhpa No Py) aiawhte chuan NEICC-WA Unit intlawh tawn programme ah June 17-29 chhung bhian Presbyterian Kohhran Hmeichhiate an tlawh mek.
June 18 khan Women Centre, Synod Hospital, Hmangaihna In leh Aizawl Theological College tlawhpui an ni a. Thawhlehni zanah Khatla Kohhranah inkhawm pui an ni a, Central Committee member leh Khatla Pastor bial chhunga Kohhran Hmeichhiaten biak in kharin hun an hmanpui a ni. Nilaini chawhma lamah Synod office leh Synod Press tlawhpui an ni a. Central Kohhran Hmeichhe office bearer-te nen Synod office-ah an inkawm zui a ni.
May 26-28 chhunga neih NEICC-WA Biennial Assembly vawi 14-na chuan North East India Christian Council – Women Assembly hnuaia Unit intlawh tawn nise, tiin a rel a. Hqrs atangin mahni state huamchhunga kohhran hmeichhiate intlawh turin ruahmanna an siam a ni. Presbyterian Kohhran Hmeichhiate tlawh turin ECM KNP Siaha ruat an ni a, hemi bawhzui hian an president NT Sanô hoin OB dang leh Executive Committee member, an vaiin mi 7 thawkchhuak a ni.